Er du ein av dei som har planer om å lage aktivitetskalender til adventstida, men har ikkje kome heilt i gong enno? Her har eg samla 24 tips til aktivitetar ein kan gjere ute. Ein aktivitetsjulekalender skal ikkje vere stress, og kan gjerne vere ein kombinasjon av innetid og utetid, men her finn du i alle fall idéar til uteaktivitetane.
Den største utfordringa med ein aktivitetskalender er at det er vanskeleg å vite kva slags aktivitetar som passar på ulike dagar. Det er fleire måtar å løyse dette på. Ein måte er å ha ei nummerert liste der alle aktivitetane står (f.eks. som hugselapp på telefonen), slik at ein har oversikt over kva som står kor, og kan bytte om ved behov. Ein annan måte er å lage pakken eller lappen med dagens aktivitet klar kvelden før. Idébank for småbarnsforeldre har lansert enda ein variant: Magisk julekalender for deg som er ute i siste liten. Der er det den vesle husnissen Adventus som kjem med beskjed om kva som er dagens aktivitet. Eg trur nok kanskje at det kjem til å flytte ein liten Adventus inn hos oss også.
Her er 24 tips til utetid i adventstida
- Geocaching (kan kombinerast med kinderegg, så har du bytteting til cachen)
- Turbingo
- Lag kongledyr
- Lydsafari
- Regnar det? Arranger skumparty
- Gå på tur til eit godteritre
- Snekre ei fuglekasse (julegåvetips?)
- Skriv ønskeliste og heng opp i eit ønsketre
- Lag fuglemat
- Turgjømsel
- Et kveldsmat og pepperkaker i skogen
- Lag kakao og inviter nokon med på kakaodate i skogen
- Bak lussekattar og gå luciatog i nabolaget
- Middag på bål (her finn du tips til bålmat)
- Dra på bokstavjakt
- Lag ballongislykt (dersom det ikkje er frost ute, kan du sette lyktene i frysen)
- Gå ut og blås såpebobler (dersom det er skikkeleg kaldt frys boblene til is)
- Dra på jakt etter stjerneteikn
- Lag ei refleksløype, og la barna leite seg fram til eit mål. (Ved målet kan det ligge ei overrasking: ein beskjed, ei bok eller noko anna)
- Dra på jakt etter raudnissegodteri
- Christin som skriv bloggen Et eventyrlig år har fortalt at det bur raudnissar i nærleiken av hytta deira. Dei nissane snik seg av og til inn i hytta og stel godteri som dei gøymer i lommene sine. Men desse nissane har hol i lommene sine, så det hender godteriet blir liggande igjen ute i skogen. Kanskje det blir nokre slike nissar i nærleiken av deg og?)
- Leik gjømsel eller boksen går. Prøv gjerne alternative gjømselvariantar f.eks. omvendt gjømsel, nærgjømsel eller refleksgjømsel.
- Lag flaskebane i snøen
- Lysmaling med lommelykt og kamera
- Set ut graut til nissen
Sjå utetid.net dersom du ønsker julegavetips til utebarn og turvenner eller vil ha fleire idear til uteaktivitetar i mørketida.
Her var det masse gode ideer å ta med til neste års kalender, og noen vi allerede har tatt i bruk i årets. Vi har en kombinasjon av ute- og inneaktiviteter og småting, og håper på finvær de dagene vi har lagt opp til ting ute.
Takk for fine tips